Ochiq suv havzalarining ahamiyati

Yoz fasli issiq havosi bilan birga ko‘pchilikni ochiq suv havzalariga – daryo, ko‘l, kanal yoki sun’iy suv omborlariga chorlaydi. Bu joylar nafaqat hordiq chiqarish, balki sog‘liq uchun ham ma’lum foyda keltiradi. Ammo e’tiborsizlik oqibatida ular ayrim hollarda salomatlikka zarar yetkazuvchi omilga aylanishi ham mumkin.

Ochiq suv havzalarining foydalari:
 1. Tana haroratini pasaytiradi
Issiq havoda ochiq suvda cho‘milish tana haroratini me’yorda saqlab, issiqlik urishining oldini oladi.
 2. Fizik faollikni oshiradi
Suvda suzish – yurak-qon tomir tizimi, mushaklar va nafas olish organlari uchun foydali mashq hisoblanadi.
 3. Psixologik dam olishni ta’minlaydi
Suv manzarasi, shovqini, salqinligi inson ruhiyatiga ijobiy ta’sir ko‘rsatadi, stressni kamaytiradi.
 4. Do‘stlar va oila bilan vaqt o‘tkazish imkonini beradi
Suv havzalari – oila va do‘stlar bilan hordiq chiqarish uchun eng yaxshi joylardan biri.

Ochiq suv havzalarining mumkin bo‘lgan zararlari:
 1. Suvdan yuqadigan kasalliklar xavfi
Gigiyena talablariga javob bermaydigan suvda cho‘milish natijasida ichak infeksiyalari, teri kasalliklari, shuningdek, kon’yunktivit va boshqa kasalliklar yuqishi mumkin.
 2. Chuqur va xavfli joylar
Belgilanmagan joylarda cho‘milish, ayniqsa suzishni bilmaydiganlar uchun cho‘kish xavfini tug‘diradi.
 3. Quyosh nurlari ta’siri
Uzoq vaqt ochiq havoda bo‘lish quyosh urishi, kuyish va teri kasalliklariga olib kelishi mumkin. Shu sababli quyoshdan saqlovchi vositalar zarur.
 4. Suvning ifloslanishi
Yaqin atrofdagi chiqindilar, oqova suvlar yoki hayvonlar orqali suv havzalarining ifloslanishi ekologik muammolar va sog‘liq uchun tahdid tug‘diradi.

 🧪 Ochiq suv havzalaridan namuna olish tartibi va ahamiyati

Ochiq suv havzalari — daryolar, kanallar, ko‘llar — aholining salomatligiga bevosita ta’sir ko‘rsatadigan tabiiy manbalardir. Suv sifati nazorati sog‘liqni saqlash uchun nihoyatda muhim.

🔍 Namuna olish tartibi: • Namuna ertalab, suv harorati barqaror paytda olinadi
• Steril idishlarga, suv sathi ostidan 20–30 sm chuqurlikdan olinadi
• Har bir nuqta bo‘yicha aniq joylashuv va vaqt qayd etiladi
• Namuna tez fursatda laboratoriyaga yetkaziladi (maksimum 2–4 soat ichida)

🧫 Tekshirish turlari: • Mikrobiologik (ichak tayoqchasi guruhi, umumiy bakteriyalar)
• Kimyoviy (nitrat, fosfat, metallar)
• Organoleptik (ta’m, hid, rang)

✅ Ahamiyati: • Aholini ichimlik va xo‘jalik maqsadidagi xavfsiz suv bilan ta’minlash
• Infeksion kasalliklarning oldini olish
• Ekologik muvozanatni saqlash

👨‍⚕️ Suv – hayot manbai. Uning sifati esa – sog‘ligimiz kafolati! 
​TELEGRAM​​​