Davlat fuqarolik xizmatchilarining odob-axloq qoidalariga rioya etish masalalari muhokama qilindi

Yangibozor tuman Sanitariya-epidemiologik osoyishtalik va jamoat salomatligi bo‘limida yig‘ilish o‘tkazildi.
2026-yil 14-sentabr kuni Yangibozor tuman Sanitariya-epidemiologik osoyishtalik va jamoat salomatligi bo‘limida O‘zbekiston Respublikasi Vazirlar Mahkamasining 2022-yil 14-oktabrdagi 595-sonli qarori bilan tasdiqlangan davlat fuqarolik xizmatchilarining odob-axloq qoidalariga rioya etish masalalariga bag‘ishlangan yig‘ilish bo‘lib o‘tdi.
Yig‘ilishda bo‘lim rahbariyati, tarkibiy bo‘linma mudirlari, kadrlar bo‘yicha mas’ul xodim, bosh hisobchi, shifokorlar hamda boshqa xodimlar ishtirok etdi.
Yig‘ilish davomida davlat fuqarolik xizmatchilarining xizmat faoliyatidagi odob-axloqi, xizmatdan tashqari xulq-atvori, tashqi ko‘rinishi va kiyinish madaniyati, jamoatchilik bilan munosabatlarda odob-axloq me’yorlariga rioya qilishi yuzasidan tushuntirishlar berildi.
Shuningdek, korrupsiyaga oid huquqbuzarliklarning oldini olish, xizmat vazifalariga vijdonan va mas’uliyat bilan yondashish, fuqarolar bilan muloqotda xushmuomalalik va kasbiy madaniyatni saqlash masalalariga alohida e’tibor qaratildi.
Yig‘ilish yakunida bo‘lim xodimlariga davlat fuqarolik xizmatchilarining odob-axloq qoidalariga qat’iy rioya qilish hamda xizmat vazifalarini sidqidildan bajarish bo‘yicha tegishli tavsiyalar berildi.